Sunday, January 4, 2015

तिमीले हेरिरह्यौ

गीत
तिमीले के सोचि हेरिरह्यौ
म गइरहेँ
हवाइजहाजमा आँखा चिम्लदा
तिमी मै भइरहेँ
तिम्रो परेलीमा अडियो थोपा
आँखा भरिएर टिलपिल
फर्कि फर्कि हेर्न नसकि
अहिले रोएँ पिलपिल
तिमीले हाँसेर बिदा दिँदा
मायाले मलाई समाइरह्यौ
तिम्रो मनको घाउ मलाई
सुम्सुमाउन थमाइरह्यौ
फेरि फर्किन्छु चाँडै भनि
म गइरहेँ
सपना बटुल्दै विरानो देशमा
तिमी मै भइरहेँ

इन्जिनियर राकेश कार्की

Wednesday, July 9, 2014

:::::::::::::::{ बिश्वकपको साँइलो दाई }::::::::::::::::::::::::::

उता आमालाई मेलाको चिन्ता छ यता उसलाई खेलाको पिरलो छ आमा खेतमा अभ्यस्त छिन् ऊ खेलमा व्यस्त छ आमालाई मुठी रोपेर मुरी उब्जाउन ध्याउन्न हुन्छ उसलाई आफ्नो समर्थक टोलीको गोल नगरेकोमा भाउन्न हुन्छ आमा डडल्नीको भारीले सुस्केरा हालिरहेछिन् ऊ अरुले बल पक्रिन नसकेकोमा खुईया हालिरहेछ असारमासको चटारोले छुँदैन उसलाई खै कुनै हतारोले छुँदैन उसलाई न काका पटिको न मामा पटिको त्यो बिना साईनोको खेलाडीको नाम जपेर आफ्नै कर्तव्य भुलेको देख्दा ............. गर्नेलाई भन्दा देख्नेलाई लाज भने झैँ भइरहेछ । अब त ऊ नहेरेरै भन्ने भईसक्यो कुन देशले यो बिश्वकप जित्ने हो भनेर किनकी उसलाई भूत लागेको छ अब यो भूत नमन्सिएसम्म उसलाई न कसैले हल्लाउन सक्छ न कसैले बुझाउन सक्छ बुबा सोचिरहेछन् आउने साल ऊ सम्झिरहेछ आउने खेल उसले त यो खेल छुटाउँनै हुन्न किनकी उसले यो खेल हेर्नै पर्छ अन्यथा उसले फेरि अर्को चार वर्ष कुर्नुपर्ने हुन्छ तैपनि म सम्झाउन खोजिरहेछु हेर ! म त भन्छु भतुवालाई पाडो जन्मे के पाडी जन्मे के मिल्ने बिगौती न हो न जर्मनले जितेर तिम्रो खेतमा धान बेसी फल्ने न जापान ले हारेर तल्लो बारीमा पैरो जाने नैतिक समर्थन एउटा कुरा ज्यानै दिनु अर्को कुरा तिमी यसरी पागल हुनु आफ्नो अस्तित्व भूल्नु हो आफ्नो कर्तव्य भुलेर तिमी आफन्तसँगै किन बाजी मार्छौ सम्हाल तिमी आफ्नो गोठ सिंच आफ्नो करेसाबारी बाँध आफ्नो खेतको आँठो बिरौटामा लगाउ बयरका बोटहरु यीनै हुन् तिम्रा भविष्य यीनै हुन तिम्रा यथार्थताहरु :::::: अज्ञात :::::

Thursday, October 31, 2013

मुक्तक


दु:खको भुमरीमा परिन्छ सुख रोज्दारोज्दै
समस्यै मात्र पर्छन समाधान खोज्दाखोज्दै
आजै सकिने पो हो कि जीवन दोबाटोमा 
भोलिको सुनौलो भविष्य सोच्दासोच्दै !

धेरै पछि देखें तिमीलाई तर पनि उस्तै तिमी
जस्तो छोडेथेँ जवानीमा लाग्यौ दुरुस्तै तिमी
घोरिएँ, टोलाएँ देखेर तिम्रो तस्बिर एकान्तमा 
माया लाग्दी लाग्यो पहिले जस्तै तन्दरुस्तै तिमी

कल्प जो थियो पुरा गरेर देखाऊ तिमी 
मनको गाग्री मायाले भरेर देखाऊ तिमी 
भन्छौ चाहन्छु मलाई अनि तर्किन्छौ सँधै
सक्छौ भने मेरो हृदयमा सरेर देखाऊ तिमी


सेतै हिमाल हाँसे जस्तो हास्ने गर्थी सानी
घाँस दाउरा देउरालीमा सँगै झर्थी सानी
स्वच्छन्द पहाड जस्तै निर्मल माया लाउँदै
अलि अलि ठुस्किएर मेरै साथ सर्थी सानी


Surya Raj Giri
Himalayan Kitchen Amsterdam

Thursday, October 3, 2013

कोही आउने जाने क्रम घरी घरी छ

कोही आउने जाने क्रम घरी घरी छ
यो जिन्दगी पनि उसैको मनपरी छ

छोडेर जाँदैमा भुलिने होइन रहेछ
सम्झना आँखाभरि छ-मुटुभरि छ

शृङ्गार लगाएर बजार नझर्नू तिमी
त्यता मान्छेबाटै मान्छेको तस्करी छ

मान्छे त एकदिन घामझै अस्ताउँछ
बरु यी ढुंगाको चोला अजम्बरी छ
============================
आँखामा बसेकी थी' सुरुमा ऊ
बसेकी छे अहिले यो मुटुमा ऊ

जुन आँखाबाट मनमा छिरेकी थिई
त्यही आखाँबाट बग्छे आँसुमा ऊ

भुल्न चेतावनी दिँदै फेरि याद पठाई
किन उभ्याउँछे दोधारको साँघूमा ऊ

मैले यो जिन्दगी चढाएँ उसैमा
खै!के चढाउली मेरो मृत्युमा ऊ?

दिनेशराज पुरी
सुनारपानी-९ रामेछाप

मुक्तकहरु

                        
धेरै धेरै लेखेकोथेँ हामी दुइको गीत
हार जती मलाई उनको भागमा जीत 
तुसारो कक्रिएझैँ जम्यो मेरो दिल
अस्ताउछन जून पोल्न थाल्छ शीत !

आफ्नै टुक्र्याएर कसरी पो खुशी हुनु 
बेदनाका आसुँहरु बिरहले कती धुनु 
आफ्नो मान्छे आफ्नो हुन्न दु:ख पर्दा यहाँ 
मनको बह मेटाउन कसको सामु रुनु ?

जून झर्दा आँगनीमा हजुर आईदिए
जीवनका खुशी छानी मायाँ लाईदिए
यथार्थमै धन्य हुन्थ्यो हाम्रो जीवन सँधै
हजुरको दिलमा मैले बास पाईदिए !

खपेर हजारौँ पीडा सुम्पिएर बस्यौ जीवन
नपोखेर ब्यथाहरु गुम्सिएर बस्यौ जीवन
साँच्चै महान छौ तिमी, मामातकी खानी
अरुलाई खुशी पार्न आफू सँधै खस्यौ जीवन


के चाँही गर्दा तिमीलाई गुनी देख्छौ मलाई
तिम्रो मन बदलेर साँच्चै हुनी देख्छौ मलाई
तिम्रा ती नजरहरुमा सँधै छारो पर्छ कि त 
बिना बित्था किन सँधै खुनी देख्छौ मलाई ?


न सिमा भेटियो आकाशको न हाम्रो मायाँको 
न गन्तब्य भेटियो जीवनको न आफ्नै छाँयाको
उदेश्य बिहीन जीन्दगी भौंतरीरहेछ यता र उता 
न भइयो दायाँको न त कहिले भइयो बायाँको !

मुस्किलले जिउदै छु म परदेशमा तिम्रो अभावमा 
जुन पीडा पोख्छु तिमीलाईउही पाउछु जवाफमा 
उता धड्किदा छाती यता चल्छ सँधै आँधीबेहरी 
कतिन्जेल पो बाँच्ने हो जीवन सपनाको बहावमा

तिमी थिएनौ भने जीन्दगीको, यो संघर्ष बेकार हुनेथियो 
खाली कागजमै अर्थबिहिन, सँधै मात्र केरकार हुनेथियो
गाउँथे होलान् दुनियाँ गीत, हेरेर म दुखीको मेरो तमासा
मरे भने म अकालमै, शिर्षक बिनाको समाचार हुनेथियो

Surya Raj Giri