छोयो भने "गजल"

छोयो भने बात लाग्छ तिमीलाई छुनु किन
मलाई छोडी टाढा गयौ तिमी सम्झी रुनु किन

मेरो सामु नहुँदामा खुसी हुँदी रैछौ तिमी
तिमी एक्लै बाँच्छौ भने तिम्रो साथी हुनु किन

बेदना र पीर मात्रै लेख्या रैछ जीन्दगीमा
यस्ता प्यारा चिज पनि आँसु बगाई धुनु किन

रेटे पनि मेरो मुटु हाँसी खुसी छौ रे तिमी
छोडिजाने निष्ठूरीको हालखबर सुनुँ किन

अरुलाई दिनु तिमीले मायाँ जति सबै
निर्मोहीको मायाँजाल अब मैले बुनु किन

लेखक: सहयात्री