पखेरीले हेरिराछन् "गीत"

पखेरीले हेरिराछन् चौतारीले कुरीराछन्
परदेशीको हालखबर देउरालीले सोधीराछन्

गाउँघरले खोज्दै थिए तिम्ले उनलाई सोधेनौ रे
बुढी आमा सँधै रुन्छिन उनको मायाँ बुझेनै रे
साथी भाई जिज्ञासु छन् कस्तो भयो परदेशी
तिमी बिना हाँस्न छोड्यो तिम्रै प्यारो गाउँबेसी

तीज आयो तिहार आयो दिदीबहिनी हाँसेनन् खै
तिम्रो खबर नपाएर मखमली नि गाँसेनन् खै
साथी भाई सोध्छन् अरे तिम्री उनलाई पँधेरीमा
आशाको यो दियो जलाई कुरिराछिन् अँधेरीमा

लेखिका: -अम्बिका गिरी