साहित्यनुराग: हजुरले छोडे देखी "गजल"

Wednesday, September 26, 2007

हजुरले छोडे देखी "गजल"

लेखिका: अम्बिका गिरी

हजुरले छोडे देखी सबै आँखा तर्छन मलाई
नानाथरी कुरा झिकी त्यसै गाली गर्छन् मलाई

आफ्न्नो सोझो गर्दा पनि साह्रै गाह्रो भयो यहाँ
सत्य कुरा बोले पनि उसै दागा धर्छन मलाई

नबोले नि सुख छैन, बोल्यो भने झनै गाह्रो
एउटा कुरा के बोलेथे हजार कथा भर्छन मलाई

वरीपरी के हुँदैछ, मलाई केही थाहा हुन्न
केही कुरा जान्न खोजे, केही नभनी टार्छन मलाई

साह्रै गाह्रो हुदो रहेछ आफ्नो मान्छे टाढा हुँदा
छिट्टै फर्की आउनुस् हजुर यिनिहरुले मार्छन मलाई

3 comments:

Ajaya said...: I don't know how to write a "Gajal" but This one is very nice.; September 30, 2007 at 1:44 AM
Anonymous said...: Didee namskar
sarai ramro 6 la; September 30, 2007 at 6:13 PM
" कम्‍रेड तारा" said...: अम्विका दिदी नमस्ते !
हजुरको गजल पढ्दा सारै नरमाईलो लाग्यो । साँच्चै हाम्रो समाजमा अझै पनि नारीप्रति गरिने भेदभाव अनि बुहारी भएपछि हुनुपर्ने अपहेलितले गर्दा हजुरलाई जस्तै धेरै नेपाली नारीहरुले अन्धकारमा जीवन गुजारीरहेका छन् । साँच्चै हाम्रो यो समाजको रूडिबादी हटाउन दिदीहरुजस्ता बुझेका नारीले कम्मर कसेर अगाडि बढ्नु पर्छ होला । एकातिर आफ्नो श्रीमान नहुँदाको पीडा अनि अर्कातिर घर र परिवारको अपहेलनाले गर्दा पिडीत हुनुपरेको हुन्छ । राजकुमार पुरी; January 2, 2008 at 10:05 AM

Post a Comment

मेरो केही भन्नु

हामी नेपालीहरु साहित्यमा धेरै धनी छौँ यो यहाँ उल्लेख गरिरहनु पर्ने जरुरी छैन । तर पनि हामीहरु मध्ये कतिपय श्रृजनशील साथीहरु आफ्ना भावनाहरु आफैमा सिमित राखेर बस्न बाध्य भईरहेका छौँ । मेरो यो ब्लगले सम्पूर्ण साहित्यिक कलमहरुलाई त समेट्न नसक्ला तर पनि जो यस सूचना प्रविधिको पहुँच सम्म आईपुग्न सफल हुनुभएको छ उहाँहरुले मलाई ईमेल मार्फत आफ्ना अमुल्य रचनाहरु पठाउन सक्नुहुनेछ भने अरु साहित्यप्रेमीहरुका रचनाहरुलाई पनि म सके सम्म यस बल्गमा समेट्ने प्रयासमा छु । यसमा यहाँहरुको पनि पूर्ण सहयोगको लागि धेरै आशावादी छु । ***************************
साहित्यनुरागमा आफ्ना लेख रचनाहरु प्रकाशित गर्न मलाई ईमेल गरीपठाउनुहोस् ।
--> ईमेल: अम्बिका गिरी
--> मेरो व्यक्तिगत गृहपृष्ठ