आज बाह्र हाते पटुकीको कुरा

जुन रोहेकजब मैले यो गीत रेडियोबाट सुने यसले मेरो मन यति छोयो कि त्यसको वयान गरेर साध्य छैन । आउनुहोस् यहाँ यो गीतको चर्चा परिचर्चा गरौँ । यो गीतको भिडीयो बन्द गरेर गीत मात्र सुन्नुहोस त कस्ता राम्रा शब्दहरु छन्ः

आज बाह्र हाते पटुकीको कुरा गर मायालु
बाँधी कम्मर भाँच्न मन लाग्यो
तिम्रो रोधी घर मारुनीको कुरा गर मायालु
मलाई छमछम नाँच्न मन लाग्यो
हे परदेशी तिमीसँग चोखो साइनो गाँस्न मन लाग्यो ।

दोहोरीमा कुरा गर्छौ मादलुको तालमा हिँड्छौ
मादलुको तालमा हिँड्छौ तिमी लाउँछौ मोहनी
हिउँचुलीको संग्लो पानी सँगलो मनको संग्लै बानी
मलाई मन पर्यो त्यो पनि
नाई नभन तिमी सँगै मर्न बाँच्न मन लाग्यो

नौमती र पाचेबाजा बज्छ मनमा लाग्छ लाज
आज मलाई किन हो
रमाईलो तिम्रो गाउँ घुम्टो ओडी कहिले जाउँ
आउ चाँडै लिन हो
कैले ल्याउँछौ डोली दिन गन्दै
औँला भाँच्न मन लाग्यो

यो गीतका रचनाकार एवं संगीतकार हुन सुरेश अधिकारी । उनले यसको शब्दलाई धेरै नै मेहनत गरेर संगीत भरेका छन् तर जसले यो गीतलाई चलचित्रमा प्रयोग गरेको छ त्यो भने यस गीतको शब्द र भावनाको ठिक उल्टो । यो गीतमा प्रयोग गरिएका शब्दहरु यति मिठासपूर्ण छन् (जस्तै पटुकी, रोधी घर, मादल, मारुनी, हिउँचुली, पाचेबाजा, घुम्टो, गाउँ, डोली, आदि) तर यी शब्दहरुको कहीँ केही छनक तपाईहरुले यस भिडियोमा पाउनुभएको छ ? मलाई लाग्छ यो चलचित्र बनाउने मान्छेले भाषा, साहित्य र कला भन्ने कुराको केही अध्ययन गरेको छैन । यस गीतको भावना अनुसार त माथि उल्लेखित सबै सरल कुराहरुलाई यसले समेट्नु पर्ने होईन र ? समुद्रको किनारमा यस खालको पहिरनमा झरनालाई नचाएर यस्ता खालका गीतको धेरै नै अन्याय भएको ठान्दछु । यस गीतको भावनात्मक, सांगीतिक, र दृष्यात्मक पक्षलाई तपाईले कसरी लिनुभएको छ? कृपया आफ्नो अमूल्य सल्लाहहरु दिएर आउँदा दिनहरुमा गीत संगीतको मर्मलाई अति गहन तरिकाले बुझ्ने र बझाउने पो हो कि ।