साहित्यनुराग: शरदीय घाम

Saturday, May 31, 2008

शरदीय घाम

लेखकः टंक वनम

पहिलो रजस्वला पछि
कौमार्य छरिए जस्तै
उदाङै भएको
शारदीय घाम
धर्तीमा तरुनी बैँस उमारेर
पराग सेचनका पखेटाहरु
अतृप्त इत्छाको
सून्दर सपनाहरुमा
एक जुवा घाम लम्बिन्छ
सिमलको भूवाले टाÂङ्छ
माया र संम्झनाको डोरी
जून घामको लुकामारीमा
खेल्छ बादलको चक्काचुली
हो
मात्तिएर खुबै हाँस्दा
शारदीय घामको सुकुमारी गाला
चुम्न खोज्छ
निलो आकासको नक्कचरो बैँस ।

मनै त हो
पुतली भएर उड्न थाल्छ फाँटहरुमा
पुग्छ पर ……पर ……।
भौतिक शरीर
मनको कोक्रो न हो
चराचर जगतको
निरन्तरता दिँदै
भष्म हुन्छ एक दिन
तर
शारदीय घामको बैँस
उसरी नैं
अग्ली रहन्छ
जसरी कौमार्यको लाज
अग्लि रहेको हुन्छ उकालै उकालो ।

हाल: बेलायत

1 comment:

Anonymous said...: yo paribesh, yo samaya ma.. harek kura haru kamuk banna ruchauchhan... geet , kavita, gazal kunai aachuto rahenan... kamukata byakta garna lai; June 3, 2008 at 7:40 PM

Post a Comment

मेरो केही भन्नु

हामी नेपालीहरु साहित्यमा धेरै धनी छौँ यो यहाँ उल्लेख गरिरहनु पर्ने जरुरी छैन । तर पनि हामीहरु मध्ये कतिपय श्रृजनशील साथीहरु आफ्ना भावनाहरु आफैमा सिमित राखेर बस्न बाध्य भईरहेका छौँ । मेरो यो ब्लगले सम्पूर्ण साहित्यिक कलमहरुलाई त समेट्न नसक्ला तर पनि जो यस सूचना प्रविधिको पहुँच सम्म आईपुग्न सफल हुनुभएको छ उहाँहरुले मलाई ईमेल मार्फत आफ्ना अमुल्य रचनाहरु पठाउन सक्नुहुनेछ भने अरु साहित्यप्रेमीहरुका रचनाहरुलाई पनि म सके सम्म यस बल्गमा समेट्ने प्रयासमा छु । यसमा यहाँहरुको पनि पूर्ण सहयोगको लागि धेरै आशावादी छु । ***************************
साहित्यनुरागमा आफ्ना लेख रचनाहरु प्रकाशित गर्न मलाई ईमेल गरीपठाउनुहोस् ।
--> ईमेल: अम्बिका गिरी
--> मेरो व्यक्तिगत गृहपृष्ठ