कत्ति शासन गर्छौ नेता

लेखकः दुर्गाबहादुर शाह "बाबा"
पोखरा

कत्ति शासन गर्छौ नेता जनताको नाउँमा
बाटोघाटो धारापानी पूर्वाधार छैन गाउँमा

जसका पनि त्यहिकुरा सुन्दा सुन्दा सबै वाक्क
भारी आशा राखि तिमलाइ पुर्याई दियौं ठाउँमा

साधा जिवन उच्च विचार सबै नेता भन्ने गर्छन्
नाममान सान पाए विकिहाल्ने सस्तो भाउमा

पैतालामा चप्पल हुन्थ्यो भयो अहिले जुत्ता गाडी
तिम्रो ग्रह नेपाल आमा जहिलेनी देख्छिन् राहुमा

सुद्धि बुद्धि कहिले फिर्छ नेता तिम्रा मनमा
मलम पटृी कस्ले लाउने गरिबको घाउमा ।