साहित्यनुराग: परदेशमा साइला दाइको

Sunday, April 20, 2008

परदेशमा साइला दाइको

लेखिका: अम्बिका गिरी

परदेशमा साइला दाइको नामै फेरिएछ
सुख सँग बस्थे यता उता कामै फेरिएछ

सधैं जसो चिसो हुने कस्तो ठाउँ होला
मनोरम यो द्रिश्य हेर्ने उता घामै फेरिएछ

धेरै कमाइ गर्ने आशामा बिदेशिएका थिए उनी
रुपैयालाई बिर्सिएर उनको दामै फेरिएछ

कैले यता कैले उता बस्ने ठेगाना छैन भन्थे
चिट्ठी लेखी पठाउ भने उनको ठामै फेरिएछ

2 comments:

Anonymous said...: wow! is this pardes ma saila dai ko bhanne choto gajal bhanne ki kabita dherai ramro lagyo.; April 23, 2008 at 12:55 AM
Anonymous said...: सोचेको थेँ परदेशमा पैसा रुखमा फल्छ होला ।
यता उता चारैतिर पैसा पवन चल्छ होला ।
स्वाट्ट गयो, ट्याप्प टिप्यो, सोहोरेर खल्ती भर्यो,
"लाहुरे" भइ आएपछि सबको मन जल्छ होला ।

वास्तविकता थाहा पाएँ साउदी अरब आएपछि,
तातो हावा चर्को घाममा खानु हण्डर खाएपछि ।
बैनी भन्छिन् परदेशमा दाईको नामै फेरीएछ,
चित्त सार्है दुखेको छ, यस्तो आरोप आएपछि ।; April 24, 2008 at 5:48 PM

Post a Comment

मेरो केही भन्नु

हामी नेपालीहरु साहित्यमा धेरै धनी छौँ यो यहाँ उल्लेख गरिरहनु पर्ने जरुरी छैन । तर पनि हामीहरु मध्ये कतिपय श्रृजनशील साथीहरु आफ्ना भावनाहरु आफैमा सिमित राखेर बस्न बाध्य भईरहेका छौँ । मेरो यो ब्लगले सम्पूर्ण साहित्यिक कलमहरुलाई त समेट्न नसक्ला तर पनि जो यस सूचना प्रविधिको पहुँच सम्म आईपुग्न सफल हुनुभएको छ उहाँहरुले मलाई ईमेल मार्फत आफ्ना अमुल्य रचनाहरु पठाउन सक्नुहुनेछ भने अरु साहित्यप्रेमीहरुका रचनाहरुलाई पनि म सके सम्म यस बल्गमा समेट्ने प्रयासमा छु । यसमा यहाँहरुको पनि पूर्ण सहयोगको लागि धेरै आशावादी छु । ***************************
साहित्यनुरागमा आफ्ना लेख रचनाहरु प्रकाशित गर्न मलाई ईमेल गरीपठाउनुहोस् ।
--> ईमेल: अम्बिका गिरी
--> मेरो व्यक्तिगत गृहपृष्ठ